Alynǵan esirtkiniń «qara naryqtaǵy» aldyn ala quny 114 mln teńgeden artyq somaǵa baǵalanyp otyr
Ulttyq qaýipsizdik komıteti esirtki arnasyn joıý úshin birqatar operasıa ótkizdi, dep habarlaıdy Almaty-akshamy.kz.
Komıtettiń málimetinshe, 23 aqpanda Qazaqstan Respýblıkasy Ulttyq qaýipsizdik komıteti departamentiniń qyzmetkerleri Aqtóbe qalasynyń eki QR azamatyn ınternet arqyly psıhotroptyq zattardy ótkizdi degen kúdikpen ustady.
Prosesýaldyq is-sharalar barysynda zańsyz aınalymnan 1,7 kg-dan artyq «mefedron» jáne «α-PVP» psıhotroptyq zattary alyndy.
25 aqpanda esirtki tobynyń taǵy eki qatysýshysy ustaldy, olardan tintý kezinde 2,8 kg-dan artyq sıntetıkalyq esirtki alyndy.
Sonymen qatar, 2 naýryzda Shyǵys Qazaqstan oblysynda Almaty qalasynan Óskemen qalasyna esirtki tasymaldaýǵa kúdikti azamat ustaldy.
Tergeý is-qımyldarynda zańsyz aınalymnan 1,2 kg psıhotroptyq zat alyndy.
Alynǵan esirtkiniń «qara naryqtaǵy» aldyn ala quny 114 mln teńgeden artyq somaǵa baǵalanyp otyr.
Osy faktiler jóninde QR QK 297-baby 3-bóligi boıynsha tergeý bastaldy.
Aqtóbe jáne Óskemen qalalarynda tergeý soty kórsetilgen adamdarǵa qatysty qamaýda ustaý túrindegi bultartpaý sharasyn sanksıalady.