Golovkın 9 sáýirde orta salmaqtaǵy WBA chempıony Rıota Mýratýdy jeńýi tıis
Ekinshi orta salmaqtaǵy absolútti álem chempıony Saýl «Kanelo» Alvares orta salmaqtaǵy álem chempıony Gennadıı Golovkınmen jeke esep aıyrysatynyn málim etti. Sondyqtan, ol osy jyldyń qyrkúıeginde ótýi múmkin úshinshi jekpe-jekti kútip júr, dep habarlaıdy Almaty-akshamy.kz QazAqparatqa silteme jasap.
«Iá, ol meniń jeke sharýam, sebebi ol men týraly kóp jaman nárse aıtty. Sondyqtan ár sózine jaýap beredi», - dedi Kanelo» Golovkın týraly San-Dıegodaǵy boks keshinde DAZN-ǵa bergen tikeleı efırdegi suhbatynda.
Aıta keteıik, jurtshylyq Golovkınmen úshinshi aıqas týraly áńgimege shýyldasyp ketti.
Sports.kz-tiń málimetinshe, jekpe-jek ótýi úshin «Kanelo» 7 mamyrda jartylaı aýyr salmaqtaǵy WBA chempıony Dmıtrıı Bıvoldy, Golovkın 9 sáýirde orta salmaqtaǵy WBA chempıony Rıota Mýratýdy jeńýi tıis.
«Men ne sebepti qazir óteıin dep jatqanyn bilmeımin, - dedi Alvares úshinshi aıqas týraly. – Meniń oıymsha, bári jetkilikti bolǵan sıaqty. Biraq, biz kelisim jasadyq, bul - men úshin eń tıimdi kelisim. Bizde úshinshi aıqas ótkizýge múmkindik bar. Men Bıvolmen aıqasqa bar kúshimdi salyp daıyndalyp jatyrmyn, qalǵanyn keıin kórermiz».