Brakonerler atqan oljasyn at quıryǵyna baılap súıretip ákelgen
Almaty oblysynda "İle-Alataýy" ulttyq parki ınspektorlary sibir eligin atqan brakonerlerdi ustady, dep habarlaıdy Almaty-akshamy.kz QR EGTRM Orman sharýashylyǵy jáne janýarlar dúnıesi komıtetiniń baspasóz qyzmeti.
Túrgen fılıalynyń ınspektorlary Q.Áshimov, M. Baıtasov, K. Jylqaıdarovtar reıd júrgizgen. Barlaý kezinde Almaty memlekettik tabıǵı keshendi qoryǵynyń aýmaǵynda attyly Almaty oblysynyń eki turǵynynan eki myltyq pen sibir eligi (erkegi eken) anyqtalǵan.
Bir qyzyǵy brakonerler atqan oljasyn sol qalpy at quıryǵyna baılap qoıǵan. Ustaý kezinde quıryǵyna elik baılanǵan janýar úrkip, eldi mekenge qashqan. Aldymen brakonerlerdi quryqtaǵan ınspektorlar artynsha elik baılanǵan atty da ustady.
Inspektorlar quqyq buzýshylardy Almaty oblysy Eńbekshiqazaq aýdandyq polısıa basqarmasyna jetkizdi. Qazir atalǵan fakt boıynsha sotqa deıingi tergep-tekserý amaldary júrgizilip jatyr.