İssapardy Ǵylym jáne joǵary bilim mınıstri Saıasat Nurbek bastap bardy.
İssapardyń alǵashqy kúninde delegasıa basshysy “Bolashaq” baǵdarlamasy arqyly bilim alyp jatqan stýdenttermen kezdesti, dep habarlaıdy Almaty-akshamy.kz.
Búginde 300-den astam stıpendıat Ulybrıtanıanyń Russell group qaýymdastyǵyna kiretin bedeldi joǵarǵy oqý oryndarynyń stýdenti. Olar ınjenerlik tehnıkalyq, medısına, IT jáne basqa da mamandyqtar boıynsha magıstratýra jáne doktorantýrada oqyp, taǵylymdamadan ótýde. Bıylǵy jańalyqtardyń biri stıpendıattarǵa alǵan bilimderin shyńdaý úshin sheteldik kompanıalarda jumys isteýge ruqsat etiledi.
«Global fortune - eń úzdik kompanıalardyń tizimi qarastyrylǵan. Sol tizimge kiretin kompanıalardan eger jumysqa turý boıynsha usynys bolsa bizdiń stıpendıattarda, onda biz bir jylǵa deıin jumys ne bolmasa, taǵylymdamadan ótýge múmkindik beremiz», - deıdi «Halyqaralyq baǵdarlamalar ortalyǵy» AQ Basqarma tóraǵasy Ánýar Janǵozın.
Ǵylym jáne joǵary bilim mınıstri bastaǵan top, sondaı-aq, Times Higher Education reıtıńtik agenttiginiń ókilderimen kezdesti. Qazaqstandyq joǵary oqý oryndarynyń rektorlary halyqaralyq reıtıńterge enýdiń tyń ádis-tásilderderimen tanysty. Budan bólek UCL ýnıversıteti fakúltetteriniń dekandarymen dıdarlasýdyń sáti tústi.
«Biz bilim berý salasyna mamandanǵan oqý ornymyz. Qazaqstandyq bilim ordalaryna basqarý, mamandandyrý, zertteýdi damytý, oqytýshylardy daıyndaý sıaqty baǵyttar boıynsha qoldaý bildirýge nıettimiz», - deıdi UCL Ýnıversıteti Bilim, tájirıbe jáne qoǵam departamentiniń basshysy Bred Blıtz.
İssapar maqsaty Ulybrıtanıadaǵy úzdik akademıalyq jáne zertteý ýnıversıtetterimen yntymaqtastyq jónindegi kelisimderge qol qoıyp, jańa múmkindikterge jol ashý. Búgin qazaqstandyq rektorlar birqatar brıtanıalyq áriptesterimen kezdesip, pikir almasýlar jalǵasady.