Bul týraly Úkimet basshysy 24 qańtarda tapsyrma bergen.
Úkimet qaýlysynyń jobasyna sáıkes, Saýda jáne ıntegrasıa mınıstrliginiń «Qazaqstan Respýblıkasynyń Reseı Federasıasyndaǵy Saýda ókildigi» memlekettik mekemesin taratý josparlanyp otyr, dep habarlaıdy Almaty-akshamy.kz İnformburo.kz saıtyna silteme jasap.
Bul QR Premer-Mınıstriniń 2023 jylǵy 24 qańtardaǵy №12-11/B-70 tapsyrmasyn oryndaý maqsatynda iske asyrylmaq.
Qazaqstannyń Reseıdegi saýda ókildiginiń taratylýyna sáıkes, QR Úkimetiniń birqatar sheshimderine ózgertýler engiziledi.
Qazaqstannyń Reseıdegi saýda ókildiginiń resmı saıtynda bul týraly aqparat joq.
«Qazaqstan Respýblıkasynyń Reseı Federasıasyndaǵy Saýda ókildigi týraly» erejege sáıkes, Saýda ókildigin qaıta uıymdastyrý jáne taratý Reseı Federasıasynyń tıisti organdaryn habarlandyra otyryp, QR zańnamasyna sáıkes, QR Ykimetiniń sheshimi negizinde júzege asyrylady.
Eske salaıyq, Qazaqstannyń Reseıdegi saýda ókildigi Máskeý qalasynda jumys isteıdi. Eki el arasyndaǵy «Ózara saýda ókildikterin qurý týraly» kelisimge Qazaqstan men Reseı úkimetteri 1992 jylǵy 22 qazanda qol qoıylǵan bolatyn.
Qazaqstannyń Reseıdegi saýda ókiliniń mindetin atqarýshy qyzmetin Damır Ádilbekov atqarady.