Aýyl sharýashylyǵy mınıstrliginde jemshóppen qamtamasyz etý jáne jedel áreket etýdi úılestirý jónindegi jedel shtabtyń kezekti otyrysy ótti.
Jergilikti atqarýshy organdardyń jedel derekterine sáıkes respýblıka boıynsha shóp daıyndaý 20,7 mln tonnany nemese josparlanǵan kólemniń 82,7%-n qurady, dep habarlaıdy Almaty-akshamy.kz QazAqparatqa silteme jasap.
«Shóp qory boıynsha kóshbasshylar Túrkistan (100,9%), Qostanaı (100,0%), Jambyl (97,2%), Soltústik Qazaqstan (93,1%) jáne Aqmola (92,7%) oblystary bolyp tabylady.
Respýblıkalyq deńgeıden edáýir tómen kórsetkishter Pavlodar (38,1%), Shyǵys Qazaqstan (57,2%), Atyraý (57,9%), Batys Qazaqstan (58,8%) jáne Abaı oblystarynda saqtalyp otyr», - dep jazdy ASHM-nan.
Vıse-mınıstr Almaty, Atyraý, Qaraǵandy, Pavlodar jáne Ulytaý oblystary ákimdikteriniń jyl basynan beri jemshóp daıyndaýdy sýbsıdıalaýǵa qarastyrylǵan 11,7 mlrd teńge sýbsıdıa kólemine qosymsha 10,1 mlrd teńge bóletinin habarlady.
Oblys ákimdikterine qystaıtyn jerlerge jem daıyndaý jáne tasymaldaý jumystaryn jandandyrýdy, sondaı-aq, jeke qosalqy sharýashylyqtardy azyqpen qamtamasyz etýdi baqylaýda ustaý, bul rette baǵanyń negizsiz ósýine jol bermeý jóninde sharalar qabyldaý tapsyryldy.
Sonymen qatar, fermerlerdi jemshóp daıyndaý jumystary kezinde jeńildikti dızel otynymen qamtamasyz etý máselesi talqylandy. Ulytaý oblysynyń ákimdigine jem daıyndaýǵa bólingen arzandatylǵan dızel otynynyń kólemin tóleý jáne irikteý jóninde qajetti sharalar qabyldaý júkteldi.