Almaty qalasynyń Medeý aýdanynyń ákimdiginiń muryndyq bolýymen «Konstıtýsıa kúni» atalyp ótildi.
Merekelik konsertke aýdannyń belgili azamattary, ánshi bıshi ónerpazdar, qala turǵyndary men qonaqtary jáne t.b. qatysty.
İs-sharanyń negizgi maqsaty - Qazaqstan respýblıkasy Konstıtýsıasynyń qadir-qasıetin qoǵam aldyna arttyrý. Sondaı-aq sımvolıkalyq mán-maǵynasyn kúsheıte túsý bolyp tabylady.
Sonymen qatar konserttik baǵdarlama sheńberinde áskerı ulandar Memlekettik týdy sahnaǵa alyp shyqty, ónerli jandar bar ónerlerin ortaǵa saldy, jyly lebizder aıtyldy.
«Áýeli barshańyzdy ulyq merekemen quttyqtap, barshańyzǵa tabys, baqyt tileımin. Aýdanymyzda birqatar jandar alǵys hatpen marapattaldy. Ortalyq mýzeıinde balalarǵa ekskýrsıa uıymdastyrdy. Sonymen birge Ata zańnyń aıbyny asqaqtaı bersin», - dedi Medeý aýdanynyń Mádenıet jáne tilderdi damytý bóliminiń basshysy Aıdar Aıdarbekov.
Aýdan jastary da qalys qalmaı merekelik konsertke óz úlesin qosty. Igi tilekterin jetkizdi.
«Bizdiń Ata zańnyń qabyldanǵanyna 28 jyl toldy. Sodan beri qoǵamdyq sanany jańǵyrtýda, el irgesin nyǵaıtýda bar ıgiligin berip keledi. Qazaq eliniń alar asýy alda bolsyn», - dedi konsertti júrgizgen Janǵalı Maratuly.