«Qazgıdromet» maýsym aıynda Qazaqstan aýmaǵynyń basym bóliginde ylǵaldylyq normaǵa jaqyn bolatynyn boljady, dep habarlaıdy Almaty-akshamy.kz
«Sonymen birge, respýblıkanyń soltústik-batysynda, ońtústiginde, sondaı-aq soltústikte jáne ortalyqta jekelegen aýdandarynda qalypty qurǵaqshylyq aımaqtary kútilýde», - delingen habarlamada.
Boljam boıynsha ortasha qurǵaqshylyq kútiletin óńirler:
- Aqtóbe oblysynyń Áıteke bı, Yrǵyz jáne Hromtaý aýdandarynda,
- Qostanaı oblysynyń Amangeldi jáne Jańǵylda aýdandarynda,
- Qyzylorda oblysy Qarmaqshy aýdanynda,
- Aqmola oblysy Jaqsy aýdanynda,
- Qaraǵandy oblysy Shet aýdanynda.
Buǵan deıin sınoptıkter 2023 jyldyń maýsym aıynda Qazaqstanda aýa raıy qandaı bolatynyn aıtqan bolatyn. Boljam boıynsha, aıdyń basynda elimizdiń basym bóliginde ystyq aýa raıy saqtalady. Maýsym aıynyń ortasynda ystyq kúnder ótkinshi jańbyrmen, ekpindi jelmen, naızaǵaımen, burshaqpen jáne shańdy daýylmen salqyn aýa raıymen aýystyrylady.