Búginde sharýalar tıisti jumys istep jatyr
Aýyl sharýashylyǵy mınıstri Erbol Qarashókeev bıyl Qazaqtanda qansha astyq jınalatynyna boljam jasady, dep habarlaıdy Almaty-akshamy.kz.
Úkimet otyrysynda Premer-Mınıstr Álıhan Smaıylov «Erbol Shyraqbaıuly, byltyr astyqtyń túsimi jaman bolǵan joq. Túsimniń ortasha jyldyq kórsetkishi joǵary boldy. Bıylǵy astyq túsiminiń boljamy qandaı?» - dep mınıstrge suraq qoıdy.
Erbol Qarashókeev naqty boljam jasaýǵa áli erte ekenin atap ótti.
«Sharýalar egis egýdi qatań, ońtaıly merzimde aıaqtap jatyr. Topyraqta jınalǵan ylǵaldy saqtaý baǵytynda jumystar da meriziminde aıaqtaldy. «Qazgıdromet» RMK málimetinshe, maýsymda jaýyn-shashynnyń mólsheri respýblıkanyń basym bóliginde ortasha jyldyq normatıv boljanyp otyr. Shilde-tamyzda elimizdiń batys jáne ońtústik óńirlerinde jaýyn-shashyn normadan sál az bolady. Basqa óńirlerde jaýyn-shanynnyń boljamy normaǵa sáıkes bolyp otyr», - dedi ol.
Onyń pikirinshe, eginniń azdy-kópti dál boljamyn jasaý úshin óskinniń shyǵý merzimin kútý kerek.
«Qazir aldyn ala faktorlardy eskergendegi boljam mynadaı. Bıdaıdy alatyn bolsaq, jalpy jınaý 16 mln teńge deńgeıinde bolajnyp otyr. Astyq jaman bolmaıdy», - dedi Erbol Qarashókeev.