485 myń eýro.
Qazaqstandyq tenısshiler Rolan Garros týrnırinen osynsha tabys tapty. Parıj qalasyndaǵy baıraqty báseke áli jalǵasyp jatyr, dep habarlaıdy Almaty-akshamy.kz 24.kz-ke silteme jasap.
Biraq qazirdiń ózinde otandyq sportshylar alatyn syıaqy kólemi belgili. Eń joǵary kórsetkish Iýlıa Pýtınsevaǵa tıesili. Ol 150 myń eýrony enshiledi. Óıtkeni Iýlıa jekeleı synda úshinshi aınalymǵa deıin jetti. Al juptyq synda reseılik Kamılla Rahımovamen birge alǵashqy aınalymnan asa almady.
Elena Rybakına bolsa, 142 myń eýrony qaltasyna basady. Ol da barlyq qarsylasyn aıqyn basymdyqpen utyp, úshinshi aınalymǵa deıin jetken. Keıin syrqattanyp qalýyna baılanysty jarys jolynan shyǵýǵa májbúr boldy.
Erler arasynda qazaqstandyq Aleksandr Býblık 77 myń, Tımofeı Skatov 69 myń, al Aleksandr Nedovesov pen Andreı Golýbev, sáıkesinshe, 21 jáne 8 myń eýrodan alady. Buǵan qosa, Anna Danılınanyń 16 myń eýro tapqany belgili boldy. Jerlesterimizdiń jalpy tabysyn teńgege shaqqanda 234 mıllıon teńgeni quraıdy. Rolan Garros týrnıri tenıs boıynsha jyldyń basty básekeleriniń biri jáne ol 12-shi maýsymǵa deıin jalǵasady. Álemdik alamannyń jalpy júlde qory 46 mıllıon 600 myń eýrony quraıdy.