Joba «Kezekpen otyrǵyzý» dep atalady.
10 qyrkúıekten bastap Qazaqstan áýejaılarynda pılottyq rejımde «Kezekpen otyrǵyzý» jobasy bastalady, dep habarlaıdy Almaty-akshamy.kz QazAqparatqa silteme jasap.
Azamattyq avıasıa komıtetiniń málimetine sensek, jobanyń negizgi ıdeıasy – jolaýshylardy kezek tehnologıasy boıynsha, ıaǵnı toptap otyrǵyzý, bul áýejaılardaǵy azamattarǵa qyzmet kórsetý sapasy men jyldamdyǵyn aıtarlyqtaı arttyrady.
Onyń aıasynda jolaýshylardy otyrǵyzý tártibi áýe kemesiniń bortynda alatyn ornyna baılanysty júzege asady.
Bul rette erip júretin adamdary joq balalar men júrip-turýy shekteýli jolaýshylar qoldanystaǵy zańnamaǵa sáıkes basym tártippen negizgi kezekten tys ótetin bolady.
Qazirgi ýaqytta jolaýshylardy otyrǵyzý prosesi erip júretin adamdary joq balalar men júrip-turýy shekteýli jolaýshylardy basym otyrǵyzýdy qospaǵanda, arnaıy tehnologıasyz júredi.
Saldarynan áýe kemesiniń bortyna otyrǵyzý jarıalanǵannan keıin teleskopıalyq traptyń qaqpasynyń janynda jolaýshylardyń toptasyp, keptelip turyp qalady.
Kezekpen otyrǵyzý tehnologıasyn engizý joǵaryda atalǵan jaǵdaılardyń oń sheshimi bolady degen boljam bar.
«Pılottyq jobaǵa Air Astana, Fly Arystan jáne SCAT avıakompanıalary qatysady. Kezekpen otyrǵyzý teleskopıalyq traptary bar áýejaılarda ǵana júrgiziledi: Nur-Sultan, Aqtaý, Aqtóbe, Túrkistan jáne Qaraǵandy qalalarynda. Joba úsh aıǵa eseptelgen, sodan keıin kezekpen otyrǵyzýdy odan ári qoldaný nemese qoldanbaý jóninde sheshim qabyldanady», - delingen habarlamada.