Almatyda túngi klýbtyń barmeni esirtki satqan.
Mefedron jetkizý arnasy boıynsha jumys jasaý nátıjesinde Almatydaǵy oıyn-saýyq mekemeleriniń biriniń barmeni Esirtki qylmysyna qarsy kúres basqarmasy qyzmetkerleriniń baqylaýyna alyndy. Ári ázirleme barysynda onyń jumys orny – túngi klýbtyń barynda mefedron satýdy uıymdastyrǵany anyqtaldy.
Úsh kúndik baqylaýdan keıin jetkilikti dáleldemelerdi alǵan polıseıler qyzdy esirtki zatyn satý kezinde, qylmys ústinde ustady, dep habarlaıdy Almaty-akshamy.kz Polisia.kz-ke silteme jasap.
Ustalǵan boıjetkenniń úsh jyl jumys istegen orny – bardy tintý jáne jeke basyn qaraý kezinde odan satýǵa daıyndalǵan mefedron qaptamalary bar eki temeki qoraby tárkilendi .Tergeý amaldary ustalǵan azamatshanyń turǵyn úıinde jalǵasyn taýyp, sol jerde jańa mán-jaılar anyqtaldy. Ustalǵan boıjetkenniń kórshisi oǵan túngi klýbtan ortaq dostary telefon soǵyp, qurbysynyń ustalǵanyn aıtqanyn aıtty. Bul habardy alǵan kórshisi ustalǵan boıjetken úıinde saqtap qoıǵan esirtki zattaryn jasyrýdy uıǵarǵan. Biraq kireberiste polısıa qyzmetkerlerin kórip, ol mefedrondy jasyrǵan jerdi jáne ony oraý úshin qajetti qurylǵylardy kórsetken.
Kórshi úıdiń janynan esirtki salynǵan sómke tabyldy. Odan satýǵa daıyndalǵan 20 doza mefedronnan bólek, elektrondy tarazy men qorǵaýǵa arnalǵan materıal tabyldy. Ustalǵan qyz ben onyń qurbysy jalǵa alǵan páterde tintý barysynda esirtki zaty salynǵan taǵy 3 paket tárkilendi. Barlyǵy 23 gramǵa jýyq mefedron tárkilendi. Bul – ustalǵan boıjetkenniń jaqyn kúnderi satýdy josparlaǵan 77 bir rettik doza. Esirtki zattardy asa iri kólemde satý faktisi boıynsha sotqa deıingi is qozǵaldy. Osylaısha tergeý qorytyndysy boıynsha 21 jastaǵy almatylyq boıjetkenniń jazasy múlkin tárkileýmen on jyldan on bes jylǵa deıin bas bostandyǵynan aıyrýdy qamtıdy.