Jańartylǵan vaksınalary jaqsy qorǵanys úshin jasalǵan.
Ótken aptanyń sońynda amerıkandyq retteýshiler «omıkronnyń» BA.4 jáne BA.5 jańa shtamdaryna qarsy Pfizer/BioNTech jáne Moderna údetkish bir komponentti vaksınalaryn jappaı qoldanýdy maquldady, dep habarlaıdy Almaty-akshamy.kz COVID-19 taralýyna jol bermeý jónindegi VAK-ǵa silteme jasap.
Aldymen Federaldyq dári-dármekter men ónimder naryǵyn baqylaý basqarmasy (FDA), sodan keıin aýrýlardy baqylaý jáne aldyn-alý ortalyqtary (CDC) ruqsat berdi.
Pfizer / Biontech vaksınasyn 12 jastan, Moderna vaksınasyn 18 jastan bastap qoldanýǵa bolady.
FDA jáne CDC maquldaýy "omıkronnyń" jańa shtamdarynan halyqty jappaı vaksınasıalaý búginnen bastalýy múmkin degendi bildiredi.
«COVID-19 jańartylǵan vaksınalary qazirgi ýaqytta koronavırýstyń aınalymdaǵy nusqalarynan jaqsy qorǵanys úshin jasalǵan. Bul údetkish vaksınalar sońǵy vaksınalaýdan keıin álsireýi múmkin qorǵanysty nyǵaıtýǵa kómektesedi. Eger sizde qarsy kórsetilimder bolmasa jáne jasyna saı bolsańyz, vaksına alýǵa eshqandaı kedergi bolmasa, sizdi tolyqtaı vaksınalaýǵa shaqyramyn», - dedi CDC dırektory.