Almaty qalasynyń ákimi Erbolat Dosaevtyń mektep túlekterine úndeýi
Qymbatty jas túlekter!
Sizder úshin búgin – erekshe kún. Óıtkeni júrekteri qýanysh pen armanǵa toly árbir túlek úshin bul sát – jańa belestiń bastamasy. Osydan 11 jyl buryn mektepke tarydaı bolyp kirip, taýdaı bolyp shyqqaly tursyzdar.
Bıylǵy jyly qala mektepterin 12 myńnan astam túlek aıaqtaǵaly otyr. Alda úlken synaq – memlekettik emtıhan jáne ulttyq biryńǵaı testileý. Osy synnan barlyǵyńyzdyń súrinbeı ótýlerińizge shyn júrekten tilektespin.
Alǵan bilimderińizdiń arqasynda sizder álemniń nemese elimizdiń kez kelgen joǵary oqý ornyn tańdaı alasyzdar. Tek Almatynyń ózinde 36 joǵary oqý orny bar. Tańdaǵan oqý oryndaryńyzǵa túsip, qalaǵan mamandyq ıesi bolyńyzdar.
Armandaryńyzǵa qol jetkizip, ata-analaryńyzdyń, ustazdaryńyzdyń úmitin aqtańyzdar. Elimizdiń, ásem qalamyzdyń atyn pash etip, bıikten kórine berińizder!