Qalanyń 295 mektebinde oqý jylynyń aıaqtalýyna oraı saltanatty jıyndar ótti. Bıylǵy jyly mektepti 12 355 túlek bitirdi, onyń ishinde 613-i «Altyn belgige», 973-i úzdik atestatqa úmitker, dep habarlaıdy almaty-akshamy.kz
«Alda úlken synaq – memlekettik emtıhan jáne ulttyq biryńǵaı testileý. Osy synnan barlyǵyńyzdyń súrinbeı ótýilerińizge shyn júrekten tilektespin. Alǵan bilimderińizdiń arqasynda sizder álemniń nemese elimizdiń kez kelgen joǵary oqý ornyn tańdaı alasyzdar. Tek Almatynyń ózinde 36 joǵary orny bar. Tańdaǵan oqý oryndaryńyzǵa túsip, qalaǵan mamandyq ıesi bolyńyzdar», - dedi Almaty ákimi shahar túlekterine arnaǵan úndeýinde.
Bıylǵy jyly 2022 jylǵy 26 mamyr men 17 maýsym aralyǵynda bilim berý sapasyn arttyrý jáne pandemıa men shekteý sharalary kezeńinde jiberilgen bilimdegi olqylyqtardyń ornyn toltyrý maqsatynda oqýshylar úshin qosymsha oqytý uıymdastyrylatyn bolady.
9, 11 synyp oqýshylary úshin qorytyndy emtıhandar bekitilgen kestege sáıkes ótkiziledi. 9 synyptarda 28 mamyrdan 6 maýsym, al 11 synyptarda 27 mamyr men 10 maýsym aralyǵynda ótedi. 11 synyp túlekteri Qazaqstan tarıhy boıynsha aýyzsha emtıhan tapsyrady.
Bıylǵy jyldan bastap talapkerlerge UBT tapsyrýǵa jáne grantqa túsýge eki múmkindik beriledi. Eki múmkindiktiń kómegimen tek mamandandyrylǵan pánderdiń bir kombınasıasyn tańdaýǵa bolady. Ulttyq biryńǵaı testileý 16 mamyrda bastalyp, 5 shildede aıaqtalady.