Qazgıdromet aýa raıynyń qolaısyzdyǵyna baılanysty Qazaqstannyń toǵyz óńirinde eskertý jarıalady, dep habarlaıdy Almaty-akshamy.kz Almaty.tv-ge silteme jasap.
Ulytaý oblysynyń soltústiginde, ortalyǵynda soltústik-batystan jel soǵyp, ekpini 15-20 m/s-ke jetedi. Jezqazǵanda 23 qazanda túnde soltústik-batystan soqqan jeldiń ekpini 18 m/s bolady.
Qyzylorda oblysynda soltústik-shyǵystan jel soǵady, túnde oblys ortalyǵynda kúshi 15-20 m/s saqtalady.
Aqmola oblysynyń soltústiginde qar jaýady. Oblystyń soltústiginde, shyǵysynda jaıaý burqasyn, kóktaıǵaq, tuman bolady. Soltústik-batystan, batystan jel soǵady. Túnde oblystyń basym bóliginde jeldiń jyldamdyǵy sekýndyna 15-20, oblystyń ońtústik-shyǵysynda ekpini 25 m/s-ke jetedi, kúndiz oblystyń soltústiginde, ońtústik-shyǵysynda ekpini 15-20 m/s bolady.
Kókshetaýda túnde qar, jaıaý burqasyn, kóktaıǵaq, tuman bolady. Soltústik-batystan, batystan jel soǵady, kúshi 15-20 m/s.
Aqtóbe oblysynyń batysynda, soltústiginde, shyǵysynda tuman túsedi. Jeldiń baǵyty soltústik-batystan ońtústik-shyǵysqa aýysady, túnde oblystyń ortalyǵynda, ońtústiginde, shyǵysynda ekpini 16 m/s jyldamdyqpen jel turady.
Abaı oblysynyń soltústiginde, ońtústik-batysynda, ortalyǵynda ońtústik-batystan soǵatyn jeldiń kúshi 15-20, ekpini 23-28 m/s deıin jetedi. Semeıde ońtústik-batystan jel soǵady, ekpini 15-20 m/s.
Shyǵys Qazaqstan oblysynyń soltústik-shyǵysynda kóktaıǵaq, burqasyn bolady. Jel ońtústik-batystan soǵady, oblystyń soltústiginde, shyǵysynda 15-20, ekpini 25 m/s deıin jetedi. Óskemende ońtústik-batystan jel soǵady, ekpini 15-20 m/s.
Batys Qazaqstan oblysynyń soltústiginde, batysynda tuman túsedi. Oralda túnde jáne tańerteń tuman túsedi.
Jetisý oblysynyń taýly aýdandarynda jaýyn-shashyn bolady.
Pavlodar oblysynda túnde kóktaıǵaq bolady. Batystan jel soǵady, kúshi 15-20m/s túnde aımaqtyń basym bóliginde, al kúndiz oblystyń ońtústiginde, shyǵysynda ekpini 23-28 m/s deıin jetedi dep kútiledi. Pavlodarda batystan jel soǵady, kúshi 15-20 m/s, túnde jáne tańerteń ekpini 23 m/s bolady.
Astanada kúndiz kóktaıǵaq kútiledi. Soltústik-batystan, batystan jel soǵady, túnde jáne tańerteń ekpini 15-20 m/s deıin jetedi.