Respýblıka kúni men Balýan Sholaq atyndaǵy Sport saraıynyń 55 jyldyǵyna oraı Almaty Sport Fest 2022 sport festıvali ótip jatyr
Balýan Sholaq atyndaǵy Sport saraıynyń Baluan Sholak Arena, Olimpic Arena jáne ABAI Arena keshenderinde qala turǵyndary men qonaqtaryna arnalǵan sport seksıalarynyń kórsetilimderi ótýde.
Brave FC jaýyngeri Asý Almabaev pen NFC sportshysy Fanıl Rafıkov aralas jekpe-jekten óz sheberlikterin kórsetse, Eldos Jumahanov dzúdodan, Tımýr Serıkov grek-rım kúresinen jáne Natalıa Klımenko karateden sheberlik saǵattaryn ótkizip jatyr. Sonymen qatar basketboldan «Almatylyq Legıon» jáne fýtzaldan «Qaırat» oıynshylary óz ónerlerin kópshilik qaýymǵa pash etýde. Aıta ketken jón, festıválge tek mektep oqýshylary ǵana emes, kez kelgen adam qatysa alady. «Mádenı-sport kesheni» JSHS dırektory Erjan Saýryqovtyń pikirinshe, bizdiń qalamyzda sportty damytý úshin barlyq qajettilik bar jáne bul rette memleket erekshe ról atqarady.
- Búgingi festıválge kelgen barlyq sport súıer qaýymdy kele jatqan merekemen quttyqtaımyn! Bul tamasha oqıǵa Qazaqstan Respýblıkasy kúnine jáne Balýan Sholaq atyndaǵy Sport saraıynyń 55 jyldyǵyna arnalǵan. Sport Fest Almaty – sporttyq daǵdylarmen, tájirıbemen bólisýge, bir-birimen tanysýǵa jáne jańa dostar tabýǵa tamasha múmkindik. Bizdiń sport keshenderimizde 20-ǵa jýyq sport seksıalary jumys isteıdi. Jaqyn arada jeke ınvestısıalardy tartýdyń arqasynda Baluan Sholak Arena-da birqatar sport zaldary ashylady. Sport – jas urpaqty tárbıeleýdiń mańyzdy bóligi. Ol rýhty kóteredi, tártipti qalyptastyrady jáne jeke adam tulǵasynyń damýy úshin sheksiz múmkindikter ashady. Almatyda balalar arasyndaǵy sport pen buqaralyq sportty damytý - bizdiń basym mindetterimizdiń biri. Osy baǵytta jumys isteýdi toqtatpaımyz, – dedi ol.
Sondaı-aq, festıvál aıasynda Balýan Sholaq atyndaǵy Sport saraıynyń úzdik qyzmetkerleri marapattalyp men jaqsy nátıjemen ózin kórsete bilgen sport seksıalarynyń jetekshileri marapattalyp, konserttik baǵdarlama uıymdastyryldy.
Aıta ketken jón, búginde sport keshenderinde 20-ǵa jýyq sport seksıasy jumys isteıdi. Jaqyn arada jeke ınvestısıalardy tartýdyń arqasynda Baluan Sholak Arena jertólesinde, úshinshi jáne tórtinshi qabattarda taǵy birneshe sport zaldar ashylady.