"Sary" deńgeıge ótýge sebep – Shanhaı Yntymaqtastyq Uıymynyń samıti.
Qazaqstannyń tórt qalasynda terorıstik qaýiptiń "sary" deńgeıi engiziledi, dep habarlaıdy Almaty-akshamy.kz
Ulttyq qaýipsizdik komıtetiniń habarlaýynsha, sary deńgeı 2-5 shilde aralyǵynda Astanada ótetin Shanhaı Yntymaqtastyq Uıymynyń samıtine oraı engiziledi:
Jekelegen aýmaqtarda kólik quraldary men jaıaý júrginshilerdiń qozǵalysyna shekteý engizedi;
Kınologıa qyzmetiniń mamandaryn tarta otyryp, kóshelerde, alańdarda, stadıondarda, skverlerde, saıabaqtarda, magıstraldi temirjol jelilerinde, temirjol vokzaldarynda, avtovokzaldarda, áýejaılarda, metropolıten obektilerinde, buqaralyq jáne jappaı is-sharalar ótetin oryndarda patrúldi kúsheıtedi;
Jarylǵysh qurylǵylardy anyqtaý jáne joıý boıynsha terorıstik turǵydan osal obektilerge jáne adamdar kóp jınalatyn oryndarǵa, buqaralyq jáne jappaı is-sharalarǵa qatysýshylardyń qozǵalýlarynyń negizgi baǵdarlaryna tekserý júrgizedi;
Áýejaılarda, metropolıten obektilerinde, temirjol vokzaldarynda jáne avtovokzaldarda jete tekserý is-sharalaryn ótkizý barysynda arnaıy tehnıka quraldaryn paıdalaný arqyly rejımdik sharalardy kúsheıtedi.