Kezekte turǵan taǵy 271 adam jańa TÚK-nen páter kiltin aldy, dep habarlaıdy Almaty-akshamy.kz
Onyń ishinde jetim bala – 27, I jáne II toptaǵy múgedek – 28, jeńildikter boıynsha UOS ardagerlerine teńestirilgen ardager – 23, múgedek balalardy tárbıelep otyrǵan otbasy – 58, tolyq emes otbasy – 129, zeınetker – 5 jáne keıbir sozylmaly aýrýdyń aýyr túrinen zardap shegetin bir adam.
Baspanaly bolǵan jannyń biri 69 jastaǵy Marat Shahanov.
«10 jyldan astam ýaqyt boıy men kezekte turdym, shynymdy aıtsam, qońyraýdy kútpedim. Biraq keshe maǵan qońyraý shalyp, jańa páter beriletinin habarlady. Men altynshy qabattaǵy úıimdi kórip shyqtym, qurylys sapasyna rıza boldym. Bıyl muqtaj jandarǵa kóptep páter berilip jatyr. Munyń bári Almaty ákimi Erbolat Dosaevtyń arqasy dep bilemin. Qala bıligine jańa páterde turýǵa múmkindik bergeni úshin óte rızamyn», - dedi Marat Shahanov.
Esterińizge sala keteıik, HÁOT sanatyndaǵy kezekte turǵandarǵa kilt tapsyrý rásimi bıyl 25 mamyrda bastalǵan bolatyn. Sodan keıin kezekte turǵan 124 adam úsh úıden páter aldy. Kezekte turǵan 164 adam eki lekke iligip, 28 mamyrda baspanaly boldy. 30 mamyrda taǵy 105 kezekte turǵandarǵa úı berildi. 5 maýsymda 111 otbasy jańa úıge qonystandy. Bıyl 7 maýsymda 86 adam qonys toıyn toılady.
Aıta keteıik, Almaty qalasynyń ákimi Erbolat Dosaevtyń tapsyrmasymen 2024 jyly qalanyń komýnaldyq turǵyn úı qorynan halyqtyń áleýmettik osal tobynyń tizimi boıynsha kezekte turǵan azamattarǵa kezektilik tártibimen eki myń jalǵa beriletin páter berý josparlanǵan, onyń 400-i jetim balalarǵa beriledi.