Elimizdiń 1100 mektebinde drondardy basqarýdy úıretedi

Kvadrokopterlermen (drondarmen) jumys isteýge baýlý –mektepterdiń qazirgi zamanǵy oqý úderisine belsendi engizilip jatqan robototehnıka aıasyndaǵy baǵyttardyń biri.

Búginde elimizdegi 1100 mektepte STEM-zerthanalar bazasynda drondardy basqarý úıirmeleri ashyldy. Bul úıirmelerde oqýshylar drondardy qurastyrý men baǵdarlamalaý daǵdylaryn meńgerip, tehnıkalyq oılaý qabiletin, ınjenerlik mashyqtaryn jáne praktıkalyq daǵdylaryn damytady, dep habarlaıdy aqshamnews.kz.

Mundaı úıirmelerge qatysatyn oqýshylar robototehnıka boıynsha túrli jarystarǵa belsene qatysýda. Jýyrda ulttyq Aspan Drone Competition týrnıriniń jeńimpazdary Qazaqstan namysyn halyqaralyq deńgeıde qorǵaıtyn bolady.

Sonymen qatar elimiz boıynsha 24 jas tehnıkter stansıasy men tehnıkalyq shyǵarmashylyq ortalyǵy jumys istep tur. Bul ortalyqtarda balalardyń ınjenerlik jáne ónertapqyshtyq qabiletterin damytýǵa baǵyttalǵan júıeli jumystar júrgizilýde.

Al bıyl tehnıkalyq jáne kásiptik bilim berý uıymdarynda suranysqa ıe jańa mamandyq – dron operatory boıynsha mamandardy daıarlaý isi bastalady.