Sol kompanıa benzıni bar 5 vagon sısternany Ózbekstanǵa eksporttamaq bolǵan.
«Janarmaı qospasy» degen jeleýmen quny 54 mıllıon teńge bolatyn benzındi Qazaqstannan alyp shyqpaq bolǵandar anyqtaldy, - dep habarlaıdy Almaty-akshamy.kz Qarjy monıtorıńi agenttigine silteme jasap.
«QMA Pavlodar oblysy boıynsha departament qyzmetkerleri jalpy quny 54 mıllıon teńge bolatyn 165 tonna kólemindegi AI-95 markaly benzıni bar 3 vagon sısternany «janarmaı qospasy» degen jeleýmen elden zańsyz áketý deregin anyqtady. Sondaı-aq, sol kompanıa 89 mıllıon teńge turatyn kólemi 280 tonna AI-95 markaly benzıni bar 5 vagon sısternany Ózbekstanǵa eksporttamaq bolǵan kezde ustaldy», - delingen habarlamada.
QMA málimetinshe, osy kompanıa Ózbekstan men Tájikstanǵa 90 mıllıon AQSH dollary kóleminde 100 myń tonnadan asa janar-jaǵarmaı eksporttaýdy kózdegen. Seriktestik dırektory óz kinásin tolyq moıyndady. Tárkilengen benzın quıylǵan sısternalar memleket kirisine aınaldyryldy, 54 mıllıon teńge memleket kirisine óndirildi. Sot úkimi boıynsha JSHS dırektory kináli dep tanylyp, 3 jylǵa shartty túrde bas bostandyǵynan aıyrylǵan.