«Anna Karenına» romany qazaq tiline aýdaryldy.
Shyǵarmany belgili aýdarmashy Ǵalı Ormanov ózindik stılin saqtaı otyryp tárjimalaǵan. Lev Tolstoı shyǵarmasynyń qazaq tilindegi nusqasy «Mazmundama» baspasynda jaryq kórdi, dep habarlaıdy Almaty-akshamy.kz.
Almatydaǵy Ulttyq kitaphanada sol eńbektiń tusaýkeseri ótti. Atalmysh bastama belgili aýdarmashynyń 115 jyldyǵyna oraı ótti. «Anna Karenına» - álemde keń taralǵan mahabbat týraly roman. İs-shara aıasynda Ǵalı Ormanovtyń shyǵarmashylyǵy men ómirinen syr shertetin «Syrly sezim aqyny» atty kórme uıymdastyryldy.
«Qazirgi bizdiń jastardyń kitap oqýǵa degen jaqsy yntasy artyp kele jatyr. Ony moıyndaýymyz kerek. Sonyń arqasynda qazir sol kitaptyń qosymsha tırajben tapsyrys berilip, qazirgi tańda 2000 tırajǵa shyǵyp jatyr. Basynda tek 500 josparlanǵan. Endi suranys kóp bolǵandyqtan, jalpy kitaptyń tırajyn 2000-ǵa jetkizip otyr», - dedi Ǵalı Ormanovtyń nemeresi Aıdar Qyryqbaıuly.