Qazaqstanda seısmıkalyq qaýipti sapaly boljaý úshin el boıynsha 285 seısmostansıa men 11 bıostasıonar qajet.
Bul másele Ashyq NQA portalynda jarıalanǵan Qazaqstanda seısmologıa salasyn damytýdyń 2024-2028 jyldarǵa arnalǵan keshendi josparynda kóterilgen, dep habarlaıdy Almaty-akshamy.kz QazAqparatqa silteme jasap.
«Qazir seısmıkalyq aýdandarda jumys istep turǵan stansıalar men bıostasıonarlardyń sany az. Tıisinshe, ol baǵalaý jáne táýekeldi anyqtaý boıynsha qoıylǵan mindertterdi oryndaýǵa múmkindik bermeıdi. Máselen, seısmıkalyq baqylaýdy «STÁE» JSHS-niń 69 seısmologıalyq stansıasy júrgizedi. Onyń altaýy isten shyqqan. Búginde stansıalar Almaty, Shymkent qalalary men 12 oblystyń aýmaǵynda bar», - degen derekter keltirilgen keshendi josparda.
Búginde Almaty qalasynan basqa seısmıkalyq belsendi aımaqtarda ornalasqan iri shaharlarda qaýipti anyqtaıtyn birde-bir zamanaýı qurylǵy joq.
«Mamandardyń esebine sáıkes, seısmıkalyq qaýipti sapaly boljaý jáne onyń aldyn alý úshin respýblıkanyń búkil aýmaǵynda qosymsha 285 seısmostansıa men 11 bıostasıonar qoıý qajet», - dep máseleni sheshýge baǵyttalǵan usynys jazylǵan qujatta.