Saýda-sattyq jandanýda.
Ústimizdegi jyly Quryq teńiz porty arqyly júk tasymaldaý kólemi úsh esege artty, dep habarlaıdy Almaty-akshamy.kz.
Buǵan deıin parom arqyly tek Ázirbaıjannan taýar tasýdy júzege asyrǵan bolatyn. Sondaı-aq bıyl Mańǵystaýdan Iranǵa parom jelisi ashyldy. Bul baǵyt arqyly jyl basynan beri 2,9 myń tonna júk ákelingen. Negizinen óńirge qurylys materıaldary, jemis-jıdek pen kókónis jetkizilgen.
Epıdahýal kezinde Quryq portynda avtokólik paromynyń jumysy jandandy. Shekaralar jabylǵan ýaqytta port jumysyn toqtatpaı, PTR-test arqyly kólik júrgizýshilerin ótkizgen.
«2020 jyly shilde-tamyzda rekordtyq kórsetkishke jettik. Port arqyly 40-50 myń kólikti jylyna tasymaldaı alatyndaı kúshi bar ekenin kórsetti. Adamdar Grýzıadan, Ázirbaıjannan kólikterin alyp keldi. 2020 jyl Quryq porty úshin óte jaqsy jyl boldy deýge bolady», - dedi Quryq portynyń dırektory Serik Ahmetov.
Aldaǵy ýaqytta munda tek júk tasymaly ǵana emes, jolaýshylar tasymaly da jolǵa qoıylmaq. Ázirbaıjan men Quryq porty arasyndaǵy paromda 30 adamǵa arnalǵan kaıýtalar bolsa, bıyldan bastap oryn sanyn 200-ge deıin arttyrýǵa kelisim júrip jatyr. Sonymen qatar jol uzaqtyǵy da 4 saǵatqa qysqarǵan.