Smetovtyń pikiri.
Rıo jáne Tokıo Olımpıadalarynyń júldegeri Eldos Smetov úlken sporttaǵy josparlarymen bólisti, dep habarlaıdy Almaty-akshamy.kz Olympic.kz-ke silteme jasap.
«Eger sportty odan ári jalǵastyryp, 2024 jylǵy Parıj Olımpıadasyna qatysatyn bolsam, mindetti túrde 66 kelige aýysamyn. Bul týraly elge oralǵan boıda aıtqan edim. Bári de jaraqatyma baılanysty bolyp tur.
Eger densaýlyǵym jarap, jaraqattarym mazalamasa, mindetti túrde kúresemin. Óıtkeni kúres - meniń ómirim. Men sporttan lázzat alamyn. Men elimizdiń týyn jelbiretý úshin jumys isteımin.
Olımpıada aıaqtaldy, jaraqattarymdy emdeýdi bastaımyn. Bári de jaqyn arada belgili bolady», - dedi Smetov.