Sáıgúligimiz shet elde tanymal bolýda.
Syrdyń boıynan Fınlándıaǵa jetkizilgen sáıgúlik jat jurtta 8 jyl boıy bas báıgeni bermegen. Bul – osydan 29 jyl buryn bolǵan jaǵdaı, dep habarlaıdy Almaty-akshamy.kz. Habar 24 saıtyna silteme jasap.
1992 jyly Almatyda dúnıejúzi qazaqtarynyń birinshi quryltaıy ótti. Osynda halyq sharýashylyǵynyń kórmesi ótip, onda jer tarpyǵan arǵymaq «Anons» Fın eli Prezıdentiniń kózine túsken eken. Sóıtip, qonaǵyn qudaıyndaı syılaǵan darhan qazaq halqynyń atynan Elbasymyz álgi tulpardy mártebeli meımanǵa syılaıdy. Qazir Helsınkı shaharynda has tulpardyń tas músini tur. Fınlándıa Prezıdentine «Anonsty» jetkizgen ekeýdiń biri – Tynyshtyqbaı Syzdyqov. Búginde aqsaqal seksenniń seńgirine shyqqan. Myna sýretke Shıeli aýdanyndaǵy mal dárigeri Qydyrıa Kúlibaev pen Tynyshtyqbaı Syzdyqovtyń Fınlándıanyń sol kezdegi memleket basshysy Maýna Koıvıstoǵa Elbasy amanatyn tapsyryp turǵan sát túsirilgen.
«Alaıda biz mártebeli qonaqqa unaǵan jylqyny emes, soǵan uqsaıtyn «Zaslon» atty kúreńqasqany aparyp berdik. Ony «Anonstyń» qujatymen rásimdegen bolatynbyz, – deıdi qarıa. «Biraq ol shetelge baryp «sýjúırikke aınalady» degen oı úsh uıyqtasaq túsimizge kirmegen», – dep aǵynan jaryldy Tynyshtyqbaı Syzdyqov.