Bul týraly Energetıka mınıstri Bolat Aqsholaqov málimdedi.
Mınıstrdiń aıtýynsha, Qazaqstanda maınerler elde tapshylyq týyndaǵan jaǵdaıda elektr qýatynan ajyratylýy múmkin, dep habarlaıdy Almaty-akshamy.kz
«Kimder maıner dep tanylatyny týraly ereje áldeqashan qabyldanǵan. Biraq elde elektr energıasy tapshy bolsa, olardy óshirýge quqyǵymyz bar. Iaǵnı, olardyń jumys isteýge degen sózsiz quqyǵy joq», - dep túsindirdi vedomstvo basshysy Májilistiń Úkimet saǵatynan keıin.
Mınıstrdiń aıtýynsha, vedomstvo QazaqGaz ulttyq kompanıasymen birlesip tutynýshylardyń jańa sanattaryn: iri komersıalyq tutynýshylardy jáne sıfrlyq óndirýmen aınalysatyn tulǵalardy zańnamalyq turǵydan engizý máselesin pysyqtap jatyr.
1 qańtardan bastap Qazaqstanda sıfrlyq maınıng alymy engizildi. Ol tutynylǵan elektr energıasynyń naqty mólsheri úshin alynady. 2022 jyldyń birinshi toqsanynyń qorytyndysy boıynsha tólem retinde búdjetke 652 mıllıon teńge túsken.