Elektrondyq bıletteý júıesi engizildi.
Qazaqstan Úkimeti jolaýshylar tasymalyn damytý boıynsha júıeli sharalardy engizip jatyr, dep habarlaıdy Almaty-akshamy.kz.
«2020 jylǵy qarashada Premer-Mınıstrdiń ókimimen qalalyq eldi-mekenderdegi jolaýshylar tasymalyn damytý jónindegi sharalar kesheni bekitilgen bolatyn. Atalǵan keshen jergilikti atqarýshy organdardyń óńirlerdegi áleýmettik mańyzy bar kólik qatynastaryn tolyq sýbsıdıalaýyn qamtamasyz etý jónindegi mindettemelerin kózdeıdi», - deıdi IIDM baspasóz qyzmetiniń habarlamasynda.
Sondaı-aq kelisilgen áleýmettik-eńbek saıasatyn júrgizýdiń jalpy qaǵıdattary men sala qyzmetkerleriniń áleýmettik-ekonomıkalyq jáne eńbek quqyqtaryn qorǵaýdy kúsheıtý maqsatynda avtomobıl kóligi salasyndaǵy áleýmettik áriptestik jónindegi 2021-2023 jyldarǵa arnalǵan salalyq kelisimge qol qoıyldy.
Tasymaldaý nátıjesinde túsetin kiristiń ashyqtyǵyn qamtamasyz etý úshin respýblıkalyq mańyzy bar qalalar men barlyq oblys ortalyqtarynda elektrondyq bıletteý júıesi engizildi.
Úkimettiń 2021 jylǵy 21 qyrkúıektegi № 644 qaýlysymen bekitilgen Kóleńkeli ekonomıkaǵa qarsy is-qımyl jónindegi 2021-2023 jyldarǵa arnalǵan keshendi is-sharalar jospary sheńberinde vedomstvoaralyq jumys toby quryldy. Sonymen birge Qazaqstan Respýblıkasy zańnamasynyń talaptaryna qarama-qaıshy keletin jolaýshylar tasymalyna jol bermeý jónindegi jol kartasy qabyldandy. Bul zańsyz tasymaldaýdyń aldyn alý boıynsha mańyzdy shara bolyp tabylady.
Aıta keterligi, pandemıaǵa baılanysty 2020 jyldyń 17 naýryzynan bastap toqtatylǵan turaqty halyqaralyq avtobýs qozǵalysy bıyl 3 mamyrdan bastap qaıta iske qosyldy.
Qazirgi tańda Qazaqstanda jolaýshylar tasymalyn turaqty negizde 15,5 myń avtobýsy bar 1039 kompanıa júzege asyrady, al halyqaralyq tasymaldaýdy avtobýs parkinde 610 tehnıkasy bar 61 kásiporyn júrgizedi.