Bıyl eldegi týrısik oryndarǵa barýshylar sany kóbeıdi.
Qazaqstannyń ulttyq saıabaqtary men kýrorttaryna keletin týrıser sanynyń artýyna baılanysty ınfraqurylymǵa júkteme de artty, dep habarlaıdy Almaty-akshamy.kz Qazaqstan Úkimetiniń resmı Telegram-kanalyna silteme jasap.
2022 jyly eldegi týrısik oryndarǵa barý sany artty. Býrabaı men Shymbulaq shıpajaılaryna ótken jylmen salystyrǵanda eki ese kóp týrıs keldi, al Almaty taý klasteriniń ulttyq saıabaqtaryna keletin týrıser 50 paıyzǵa ósti.
Kelýshilerdiń kóbeıýine baılanysty ınfraqurylymǵa júkteme artty, bul, ásirese, kýrorttyq aımaqtardy taza jáne tártippen ustaýǵa áser etedi. Býrabaı, Alakól, Imantaý-SHalqar kýrorttyq aımaqtarynda, Almaty óńiri men Mańǵystaýdyń ulttyq saıabaqtarynda qoqys konteınerleriniń jetispeýshiligi baıqalady.
Bul aqparat Premer-Mınıstrdiń orynbasary Eraly Toǵjanovtyń ortalyq jáne jergilikti atqarýshy organdarmen kezdesýinde aıtyldy. Kezdesý týrızmdi sapaly damytý úshin jaǵdaıdy jaqsartý máselelerine qatysty boldy.
Eraly Toǵjanov bir kún ishinde ulttyq parkter men kýrorttyq aımaqtar aýmaǵynan qatty turmystyq qaldyqtardy shyǵarýdy tapsyrdy. Bul rette qoqysty shyǵarý jıiligi ulǵaıtylýy tıis. Sondaı-aq, qatty turmystyq qaldyqtardy jınaýǵa arnalǵan qosymsha konteınerler ornatý tapsyryldy.
Sonymen qatar, keńeste shagym.kz modýlin engizý talqylandy. Bul qyzmet sapasyn jaqsartýǵa qatysty suranystarǵa jedel jaýap berýge múmkindik beredi. Týrıserdiń shaǵymdary men usynystaryn jınaý prosesin sıfrlandyrý tapsyryldy.