Almaty joldarynda birinshi jartyjyldyqta myńǵa jýyq mas júrgizýshi ustaldy.
Bul málimetterdi jergilikti polısıa qyzmeti birinshi jartyjyldyqty qorytyndylaı kele berip otyr, dep habarlaıdy Almaty-akshamy.kz Polisia.kz-ke silteme jasap.
«Jyl basynan beri 470 501 JQE buzý deregi anyqtaldy. Kólikti mas kúıinde basqarǵan 988 júrgizýshi ustaldy. Sot sheshimimen 1 549 júrgizýshi kólik quralyn basqarý quqyǵynan aıyryldy. 972 kólik júrgizýshisi ákimshilik qamaýǵa alyndy. Róldegi mas júrgizýshi – qylmysker. Bul aksıoma, ókinishke oraı, kóp jaǵdaıda adam ólimimen jáne kóptegen otbasylardyń qaıǵysymen baılanysty. Eske sala keteıin, kólikti mas kúıinde basqarǵany úshin zań boıynsha jaza kúsheıtilgen. Birinshi ret kólik quralyn basqarý quqyǵynan aıyrý merzimi – 7 jyl. Sonymen qatar, 30 táýlikke deıin ákimshilik qamaýǵa alý qarastyrylǵan», – dedi Almaty qalalyq polısıa departamenti bastyǵynyń orynbasary Nurlan Almasbekov.
Sondaı-aq, JPQ alty aıda shahar joldarynda 1473 jol-kólik oqıǵasy tirkelip, sonyń saldarynan 1806 adam zardap shekkenin, taǵy 42 adam qaıtys bolǵanyn habarlady.