Bul suraqqa Ekologıa, geologıa jáne tabıǵı resýrstar mınıstri Serikqalı Brekeshev jaýap berdi.
Mınıstrdiń aıtýynsha, bıyl ýtıldik tólemderdiń esebinen 690-700 mıllıard teńge jınalady degen boljam bar, dep habarlaıdy Almaty-akshamy.kz
«Jalpy, ýtıldik alymnan túsetin qarjydan, shamamen, 12 mıllıard teńge qatty turmystyq qaldyqtardy jınaýǵa, tasymaldaýǵa jáne óńdeýge jumsalady. Sosyn kólik quraldary men aýyl sharýashylyǵy tehnıkasyn ýtıldeýge týra sondaı soma ketedi», - dedi Brekeshev jýrnalıserge bergen suhbatynda.
Mınıstrdiń aıtýynsha, bıyl ýtılızasıalyq tólemderdiń esebinen 690-700 mıllıard teńge jınalady degen boljam bar. Osy oraıda jýrnalıser nege 700 mıllıard teńgeniń 24 mıllıardy ǵana óńdeýge jumsalatynyn surady.
Mınıstrdiń sózine qaraǵanda, odan bólek basqa da shyǵyndar bar.
«Jeńildik sertıfıkattary (eski kólik tapsyratyn adamdarǵa beriletin aqshalaı sertıfıkattar) bar. Basqa da shyǵyndar bar», - dep atap kórsetti Brekeshev.
Tilshiler mınıstrge metal óńdeýshilerdiń usynysyn da jetkizdi. Olar eski kólikterdi tegin joıýǵa daıyn.
«Shynymen de ondaı usynystar bolsa, biz talqylaýǵa daıynbyz. Jalpy, qazir tergeý sharalarynyń júrip jatqanyn bilesizder. Biz «Jasyl damý» AQ-synyń Operator ROP-tan qalǵan barlyq ınvestısıalyq saıasatyn qaıta qarastyrýdy josparlaǵanbyz. Sondyqtan naqty usynystardy qaraýǵa ázirmiz», - deıdi Brekeshev.