Jastardyń jasy 29-dan 35-ke deıin ulǵaıtyldy.
Bul óz kezeginde jastardyń úlesin 3,7 mıllıonnan 6 mıllıon adamǵa deıin ósirdi, dep habarlaıdy Almaty-akshamy.kz
26 aqpan kúni "QR keıbir zańnamalyq aktilerine memlekettik jastar saıasaty jáne áleýmettik qamsyzdandyrý máseleleri boıynsha ózgerister men tolyqtyrýlar engizý týraly" zań kúshine endi.
Atap aıtqanda, "Memlekettik jastar saıasaty týraly" zańda Qazaqstannyń 14 pen 35 jas aralyǵyndaǵy azamattary "jastar" bolyp tanylady degen norma bar edi.
Osylaısha, jastardyń jasy 29-dan 35-ke deıin ulǵaıtyldy. Bul óz kezeginde jastardyń úlesin 3,7 mıllıonnan 6 mıllıon adamǵa deıin ósirdi.
Zańnamadaǵy jastardyń jasy ulǵaıýy qazaqstandyqtarǵa memleketten qoldaý alýǵa jáne memlekettik baǵdarlamalarǵa qatysýǵa múmkindik beretinin atap ótken jón.
Zań sonymen qatar myna uǵymdardy engizedi:
Ýaqytsha jumyssyz jastar (NEET sanattary).
Jas maman.
Jastar eńbek ujymdary.
"Qazaqstannyń keıbir zańnamalyq aktilerine memlekettik jastar saıasaty jáne áleýmettik qamsyzdandyrý máseleleri boıynsha ózgerister men tolyqtyrýlar engizý týraly" zańǵa memleket basshysy 2022 jylǵy 26 jeltoqsanda qol qoıdy.