Páter tonaýshylar qolǵa tústi.
Olardy qalalyq krımınaldyq polısıanyń arnaıy toby men Alataý aýdandyq polısıa basqarmasynyń qyzmetkerleri jedel izdestirý is-sharalary barysynda ustady, dep habarlaıdy Almaty-akshamy.kz Polisia.kz-ke silteme jasap.
«Sońǵy “is” boıynsha Ahremenko kóshesiniń boıyndaǵy páterden jábirlenýshilerdiń 75 myń teńge turatyn múlki joǵalyp ketken. Ustalǵandar zattaı aıǵaq – qol saǵattardan qutylyp úlgermegen, olar tárkilendi jáne qylmystyq is materıaldaryna tigildi. Kúdikti – 33 jastaǵy T. esimdi azamat, Almaty oblysynyń týmasy, buryn múliktik qylmystar jasaǵany úshin sottalǵan, taǵy bir sybaılasy – 29 jastaǵy B. esimdi azamat, ol da urlyq jasaǵany úshin buryn sotty bolǵan. Sonymen qatar urlanǵan zattardy satyp aldy degen kúdikpen 37 jastaǵy K. esimdi azamat ustaldy. Ustalǵandar ýaqytsha ustaý ızolátoryna qamaldy. Qazirgi ýaqytta olardyń Alataý aýdanyndaǵy úsh páter tonaýyna qatysy bar bolýy múmkin ekeni anyqtaldy. QR QK-niń 188-babynyń 3-bóligi boıynsha sotqa deıingi tergeý amaldary júrgizilip jatyr», – dedi Almaty qalalyq polısıa departamenti bastyǵynyń orynbasary Dıdar Ahanov.
Baıandamashynyń aıtýynsha, qylmystyq istiń basqa da mán-jaılary QR QPK-niń 201-baby jáne QR Konstıtýsıasynyń normalaryna sáıkes jarıa etýge jatpaıdy.