Alqabıler soty 15 jyldan beri jumys istep keledi.
Májiliste Qazaqstanda alqabılerdiń ókilettikterin keńeıtetin zań jobasy talqylandy, - dep habarlaıdy Almaty-akshamy.kz
Joǵarǵy Sottyń qylmystyq ister jónindegi sot alqasynyń tóraǵasy Ábdirashıt Júkenov «alqabılerdiń qatysýymen qaraıtyn ister sanattaryn keńeıtý máseleleri boıynsha ózgerister engizý týraly» zań jobasy Prezıdent Joldaýyn oryndaý úshin ázirlengenin atap ótti.
2023 jylǵy 1 qańtardan bastap 35-ke deıin, al 2024 jylǵy 1 qańtardan bastap, asa aýyr ǵana emes, quqyq buzýshylyqtardyń basqa da quramy boıynsha 43-ke deıin ulǵaıatyn bolady.
«Qazaqstanda alqabıler soty 15 jyldan beri jumys istep keledi. Búgingi tańda alqabıler qaraǵan isterdiń 10 paıyzyna deıin aqtaý úkimin shyǵarady. Jalpy sottarda bul kórsetkish 1,5-2 paıyz. Sot alqabıler isteri boıynsha sotaldy tergep-tekserýdiń sapasy anaǵurlym jaqsy, sot talqylaýynda taraptar belsendirek. 2024 jylǵy 1 qańtardan bastap alqabıler sotyna taǵy 13 aýyr jáne onsha aýyr emes qylmys quramyn berý usynylady», - dedi Ábdirashıt Júkenov.
Bul isterge mynalar jatady:
- adamnyń tinderi men múshelerin alýǵa májbúrleý;
- azaptaý;
- reıderlik;
- eki jáne odan da kóp adamnyń ólimine ákep soqqan medısına nemese farmasevtıka qyzmetkerleriniń kásibı mindetterin tıisinshe oryndamaý;
- aýyr zardaptarǵa ákep soqqan balyq resýrstaryn, basqa da sý janýarlary men ósimdikterin zańsyz óndirý;
- zańsyz ań aýlaý;
- eki jáne odan da kóp adamnyń ólimine ákep soqqan jol qozǵalysy erejelerin buzý nemese kólik quraldaryn paıdalaný;
- Kólik quraldaryn mas kúıinde basqaratyn adamdardyń JQE buzýy nemese kólik quraldaryn paıdalanýy;
- adamnyń ólimine ákep soqtyrǵan mas kúıinde kólikti basqarý.
Joǵary sot ókiliniń aıtýynsha, zań jobasyn qabyldaý Sottardyń qyzmetin jetildirýge, sottarǵa degen senim deńgeıin arttyrýǵa, sot tóreligin iske asyrý rásimine azamattyq qoǵamnyń qatysýyn jandandyrýǵa, qoǵamnyń quqyqtyq mádenıeti men quqyqtyq sanasyn arttyrýǵa, sot tóreligin iske asyrý nátıjelerinen qanaǵattaný deńgeıin arttyrýǵa múmkindik beredi.