Jelide jol qozǵalysy erejelerin óreskel buzǵan bir top jastardyń vıdeosy paıda boldy.
Vıdeo Almatyda túsirilip, egovpress Telegram arnasynda jarıalanǵan. Kadrlarda kólik júrgizýshisiniń joldy kesip ótkeni, jol qozǵalysynyń basqa qatysýshylaryn basyp ozǵany, avtobýs jolaǵynda qalaı dreıfke shyqqany kórsetilgen, dep habarlaıdy Almaty-akshamy.kz. Egemen.kz-ke silteme jasap.
Sondaı-aq jol kólik erejesin bir emes, birneshe adam buzǵany belgili boldy. Atalǵan beınejazbanyń tolyq nusqasy «Qazaqstannyń altyn jastary - qaladaǵy zańsyzdyq!» degen ataýmen reseılik blogerdiń MAJORKA YouTube-kanalynda jarıalandy.
Almaty qalalyq İİD baspasóz qyzmeti Jergilikti polısıa basqarmasynyń tergeý bólimi áleýmettik jelide paıda bolǵan dabyl boıynsha áreket etý aıasynda tekserý júrgizdi. Nátıjesinde jol qozǵalysy erejesin óreskel buzǵan 6 júrgizýshi jaýapkershilikke tartyldy:
«Leksýs» avtokóligin basqarǵan 1998 jyly týǵan azamatyna qatysty QR ÁQBtK-niń 595-babynyń 1-bóligi (3 hattama), 590-babynyń 1-bóligi boıynsha ákimshilik quqyq buzýshylyq týraly hattamalar quryldy;
«BMW X5» markaly avtokóligin basqarǵan 1993 jyly týǵan azamatqa qatysty ÁQBtK-niń 595-babynyń 1-bóligi (2-hattama), 590-babynyń 1-bóligi, 601-babynyń 1-bóligi boıynsha ákimshilik quqyq buzýshylyq týraly hattamalar jasaldy;
«Range Rover» avtokóligin basqarǵan 1987 jyly týǵan azamatqa qatysty ÁQBtK-niń 595-babynyń 1-bóligi (3 hattama), 590-babynyń 1-bóligi boıynsha ákimshilik quqyq buzýshylyq týraly hattamalar jasaldy;
«Toyota Land Cruiser 200» avtokóligin basqarǵan 1999 jyly týǵan azamatqa qatysty ÁQBtK-niń 595-babynyń 1-bóligi (3 hattama) boıynsha ákimshilik quqyq buzýshylyq týraly hattama toltyryldy;
«Hyundai Sonata» avtokóligin basqarǵan 2003 jyly týǵan azamat: ÁQBtK-niń 595-babynyń 1-bóligi (3 hattama), 590-babynyń 1-bóligi boıynsha ákimshilik quqyq buzýshylyq týraly hattamalar quryldy;
«Leksýs 570» markaly avtokóligin basqarǵan 1994 jyly týǵan azamat: ÁQBtK-niń 595-babynyń 1-bóligi (2 hattama), 601-babynyń 1-bóligi boıynsha ákimshilik quqyq buzýshylyq týraly hattamalar toltyryldy.