Erjan Babaqūmarov Almatyda Túrík kınosy aptalyǵynyń ashylu rásímíne qatysty
27 qazanda Almaty qalasy ákímíníń orynbasary Erjan Babaqūmarov pen Túrkıya Respublıkasy Mádenıet jáne turızm mınıstríníń orynbasary Mısbah Ahmet Qazaqstan Respublıkasy Táuelsízdígíníń 30 jyldyǵy men Túrkıya Respublıkasynyń 98 jyldyǵyna arnalǵan túrík fılmderí aptalyǵynyń ashylu rásímíne qatysty, dep habarlaıdy almaty-akshamy.kz
Almatyda mūndaı ís-shara altynshy ret ótkízílíp otyr. Bıyl almatylyq kórermenderge «Arman» kınoteatrynda 31 qazanǵa deıín bírqatar túrík fılmderí ūsynylady árí barlyǵy tegín kórsetíledí.
Aıta keterlígí, Túrkıya Qazaqstan Respublıkasynyń Táuelsízdígín tanyǵan alǵashqy el boldy. Búgínde Qazaqstan men Túrkıya arasyndaǵy strategıyalyq áríptestík turaly kelísímshart qoldanysta.
Túrkí halyqtarynyń erekshe bauyrlastyq qatynastary ayasynda elderde mádenı sharalar belsendí túrde ótkízílíp keledí. Óz kezegínde kıno ónerí ekí eldíń ortaq mádenı-gumanıtarlyq qūndylyqtaryn ílgeríletude aıryqsha oryn alady. Festıval tūjyrymdamasy mádenıet pen tarıhqa nazar audarudan, ekí el halyqtary arasyndaǵy ózara túsínístíktí qalyptastyrudan tūrady.