Bıyl mundaı ortalyqtar 4 myńǵa jýyq adamǵa kómek kórsetken
Zardap shekkenderge arnaýly áleýmettik qyzmet 6 aıǵa deıingi merzimde kórsetiledi, dep habarlaıdy Almaty-akshamy.kz.
Elimizde turmystyq zorlyq-zombylyq qurbandaryna arnaýly áleýmettik qyzmetterdi 41 daǵdarys ortalyǵy kórsetedi. Bul týraly Eńbek jáne halyqty áleýmettik qorǵaý mınıstri Úkimet otyrysynda aıtty.
«Daǵdarys ortalyqtary 18 óńirde jumys isteıdi. Almaty jáne Abaı oblystarynda ázirshe mundaı ortalyqtar joq, sondyqtan bul óńirlerde olardy qurý jumystaryn júrgizý qajet. Bıyldan bastap ortalyqtardy ustaý jergilikti búdjet qarajatynan júzege asyrylady», – dedi Tamara Dúısenova.
Mınıstr málimetinshe, mundaı ortalyqtarda zardap shekkenderge arnaýly áleýmettik qyzmet 6 aıǵa deıingi merzimde kórsetiledi.
Osy ýaqytqa deıin ortalyqtar 3 myń 975 adamdy qamtydy.