Tergeý barysynda qylmyskerler qamaýǵa alyndy.
Almatyda Mazda kólikterin urlap júrgender ustaldy, dep habarlaıdy Almaty-akshamy.kz Polisia.kz-ke silteme jasap.
Almaty oblysy Qarasaı aýdanynyń úsh turǵyny 9 kólik urlyǵyna qatysty degen kúdikpen ustaldy.
«Qazirgi ýaqytta anyqtalǵandaı, 23 jastaǵy Qaraqalpaqstan týmasy men onyń 22 jáne 28 jastaǵy eki sybaılasynyń moınynda kólik urlaý boıynsha 9 derek bar. Úshtik Mazda avtokólikterin urlaýǵa mamandanǵan. Kólik urlaǵandardy áshkereleý jáne ustaý is-sharasyn patrúldik polısıa polkiniń qyzmetkerlerimen birlesip júrgizdik. Jedel izdestirý is-sharalary barysynda kúdiktiler 23 jastaǵy Ia.esimdi azamat, onyń sybaılasy 22 jastaǵy týǵan K.esimdi azamat jáne urlanǵan kólikterdi satyp alýshy 28 jastaǵy D.esimdi azamat ustaldy. Olar buryn sottalmaǵan. Óz kinálaryn birden moıyndady. Tergeý is-sharalary barysynda 4 kólik tabyldy, olar aıǵaqty zat retinde qylmystyq iske qosyldy, al qalǵandary qaıta satylǵan nemese qosalqy bólshekterge bólshektelgen», – dedi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.
Urlanǵan kólikterdiń turǵan jerin anyqtaý boıynsha izdestirý sharalary júrgizilýde. Tergeý barysynda qylmyskerler qamaýǵa alyndy.