Bul derttiń túri kóp. Keıbiri túbegeıli emdelmeıdi. Dermatovenerolog mamandar osylaı dep dabyl qaǵyp otyr. Mamandardyń aıtýynsha, teri aýrýlaryn emdeýde jańa tehnologıalardy engizý qajet, dep jazady «Habar 24» arnasy.
Mamandar teri aýrýlarynyń kóbi ýaıym-qaıǵydan paıda bolatynyn aıtady. Tipti onyń keıbiriniń emi joq. Degenmen bul tusta bizdiń dárigerler álemdik tájirıbege súıenetinin aıtady. Sońǵy jyldary elimizde teri aýrýlaryn emdeýdiń jańa ádisteri engizile bastaǵan.
«Teri aýrýlary óte kúrdeli problemaǵa aınaldy. Bul derttiń túri kóp. Keıbiri túbegeıli emdelmeıdi. Sondyqtan osyndaı aýrýlardy emdeý joldaryn únemi jetildirip otyramyz. Denege shyqqan bórtpege beı-jaı qaraýǵa bolmaıdy. Sebebi teri qaterli isigi jahandyq problemalardyń birine aınalǵan».,-deıdi joǵary sanattaǵy dermatovenerolog Gúlnár Batpenova.
«Máselen, búginde Psarıaz aýrýy jasaryp barady. Buryn tek eresek adamdarda kezdesetin. Qazir jasqa tolmaǵan balalarda osy teri aýrýyna jıi shaldyǵady. Mundaıda medısınalyq kómekke ýaqytynda júginý qajet»,-deıdi Gúlnár Batpenova.
Búginde elimizde teri aýrýlarynyń sozylmaly túrine shaldyqqan naýqastar kóbeıgen. Buryn sırek kezdesetin, psorıaz ben dermatıt jas sábıler arasynda beleń alyp otyr. Durys tamaqtanbaý da aýrýdy ýshyqtyra túsken. Sarapshylar adamdardyń kúızeliske boı aldyrýy teri aýrýlarynyń kóbeıýine sebep bolatynyn aıtady.