Sınoptıkter 24-26 maýsym aralyǵyna arnalǵan aýa raıy boljamyn usyndy.
«Qazgıdromet» RMK málimeti boıynsha, aldaǵy demalys kúnderi respýblıka aýmaǵy atmosferalyq frontaldy bólikterdiń yqpalynda bolady. Sáıkesinshe turaqsyz aýa raıy kútiledi. Keń alqaptar bulttanǵan jerlerde naızaǵaı oınap, jańbyr jaýady, ekpindi jel soǵady, sondaı-aq burshaq kútiledi.
«24-25 maýsymda shyǵysta, ońtústik-shyǵysta, 26 maýsym kúni soltústikte qatty jańbyr jaýady, Qazaqstannyń ońtústik-shyǵysynda shańdy daýyl kútiledi. Elimizdiń soltústik-batysynda topyraq betinde -1 °C úsik júredi», - delingen habarlamada.
Sınoptıkter temperatýra fonynda aıtarlyqtaı ózgerister kútilmeıtinin atap ótti.