Qazir elde 30 myń tonna qant qory bar.
Qazaqstanda 2 qant zaýyty turaqty jumys istep tur, mamyr aıynda taǵy bireýi iske qosylady, dep habarlaıdy Almaty-akshamy.kz
Bul týraly QR Aýyl sharýashylyǵy mınıstrligi agrarlyq azyq-túlik naryqtary jáne aýyl sharýashylyǵy ónimin qaıta óńdeý departamentiniń dırektory Nazgúl Hatepova málim etti.
«Búginde elimizde 30 myń tonna qant qory bar. Bul - óndirýshi zaýyttardaǵy qant kólemin eseptemegende. Qazirgi ýaqytta Taraz jáne Kóksý qant zaýyty turaqty jumys istep tur. Odan bólek, mamyr aıynda Merke qant zaýyty iske qosylady dep otyrmyz. Osylaısha, 3 óndiris orny ishki naryqty qantpen tolyq qamtıdy» , - dedi Nazgúl Hatepova.
Mınıstrlik ókili keltirgen statısıkaǵa sáıkes, elimizdiń jyl saıynǵy qant tutyný qajettiligi - 530 myń tonna.
«Onyń ishinde 380 myń tonna ımportqa tıesili. Elimizge ónimniń 85 paıyzdan astamy Reseıden keledi. Atalǵan eldiń qantty eksporttaýǵa shekteý qoıýy, bizdiń naryqqa áserin tıgizdi. Degenmen, biz buǵan deıin de aıtqanbyz, Qazaqstanda qant tapshylyǵy joq. Sonymen qatar, bizdiń mınıstrlik Eýropalyq ekonomıkalyq komısıamen birlesip, elimizge syrttan qantty baj alymynsyz jetkizýge qosymsha kvota bólý máselesin qarastyryp jatyr» , - deıdi ol.