Qazir elimizde 6 mıllıon tonnadan astam sút saýylsa, onyń 2 mıllıon tonnaǵa jýyǵy ǵana óńdeledi.
Bul 30 paıyzǵa da jetpeıdi. Sondyqtan Prezıdent bılyǵy joldaýda óńdeýdi 70 paıyzǵa jetkizýdi tapsyrǵan bolatyn. Parlament májilisiniń depýttatary Shyǵys Qazaqstan oblysynda kóshpeli keńes ótkizip, óńirdegi osy salanyń eńbekkerlerimen kezdesti, dep habarlaıdy Almaty-akshamy.kz.
Aýyl sharýashylyǵy mınıstrligi qazir arnaıy baǵdarlama ázirlep jatyr. Sonyń aıasynda jyl saıyn bul salaǵa 100 mıllıard teńge bólinip, 65 sút óndirý keshenin salý josparlanǵan. Al bıyldan bastap «Aýyl amanaty» baǵdarlamasy boıynsha jeke kásipkerlerge beriletin jeńildetilgen nesıseniń somasy da kóbeıdi.
«Myna aýyldaǵy ýaq-usaq fermalar bar ǵoı. Solarǵa kem degende jeke basta kásipker bolsa, 7-8 mıllıon teńgege deıin, eger bastary birikse 38-40 mıllıon ǵa deıin jańaǵy nesıe alýǵa bolady, 2,5 paıyzben. Ol óte qoljetimdi. Sony tek qana jergilikti atqarýshy organdar naqty qolǵa alyp, júzege asyrý kerek», - deıdi QR Parlamenti Májilisiniń depýtaty Serik Egizbaev.