Búgingi tańda vegetasıa kezeńi shtattyq kestege saı ótip jatyr.
«Qazsýshar» mekemesi bıyl 790 myń gektardan astam aýylsharýashylyq alqabyn sýarýǵa 7,6 mlrd tekshe metr sý jiberýdi josparlap otyr, dep habarlaıdy aqshamnews.kz.
Sýarý maýsymyna daıyndyq aıasynda 83 gıdrobeket jóndelip, qalpyna keltirildi. Sonymen qatar 775 gıdrobeket attestasıadan ótti. 6 oblystyń aýyl sharýashylyǵy alqaptaryna sý berýdi jaqsartý úshin 390 shaqyrymnan astam sýarý arnasy tazartyldy. Sondaı-aq, Qazaqstannyń 8 óńirinde 74 gıdrotehnıkalyq qurylys jóndeldi.
Jyl basynda Sý resýrstary jáne ırrıgasıa mınıstri Nurjan Nurjigitov sharýalardyń ótinishin qanaǵattandyrý maqsatynda «Qazsýshar» fılıaldaryna dıhandarmen deldalsyz tikeleı kelisimshartqa otyrý týraly tapsyrma bergen bolatyn. Osynyń nátıjesinde bıyl birqatar óńirlerde sharýalar úshin sýarmaly sýdyń baǵasy arzandady.