Almaty oblysynda polısıa úsh tonnaǵa jýyq qarasora tapty, – dep habarlaıdy aqshamnews.kz.
27 shildede Almaty oblysynyń polıseıleri “Qarasora – 2024” jedel-profılaktıkalyq is-shara aıasynda Balqash óńirinde áýe barlaý kezinde úsh tonnaǵa jýyq goland qarasorasyn tapty.
– Esirtki plantasıasy Balqash kóliniń araldarynyń birinde anyqtaldy. Júrgizilgen saraptama tárkilengen 6 122 ósimdik butasy jalpy salmaǵy 2 tonna 740 keli golandıalyq kannabıs ekenin rastady, – dep atap ótti Almaty oblysy polısıa departamentiniń bastyǵy Baýyrjan Álenov.
Ósirý deregi tıisti kútimdi qamtamasyz etetin naqty uıymdastyrylǵan sýarý júıesiniń bolýymen rastalady. Sonymen qatar aral aýmaǵynda ornalasqan shatyrda patrondarymen tegis uńǵyly qarý, qajetti eki qap tyńaıtqysh, sondaı-aq qarasorany sýarý jáne óńdeý týraly jazbalary bar dápter tabylǵan.
– Quramynda esirtki zattary bar ósirýge tyıym salynǵan ósimdikterdi zańsyz ósirý faktisi boıynsha qylmystyq is qozǵaldy. Kúdiktilerdi ustaýǵa baǵyttalǵan jedel-izdestirý is-sharalarynyń kesheni ótkizilýde, – dep tolyqtyrdy B. Álenov.
Osylaısha, polıseıler qara naryqtaǵy jalpy quny shamamen 300 mıllıon teńgeni quraıtyn marıhýananyń elý myńnan astam bir rettik dozasyn zańsyz aınalymǵa jibermegenin aıta ketý jón.