Almatyda polısıa qyzmetkerlerine shabýyl jasaǵan 12 adam sottaldy, dep habarlaıdy Almaty-akshamy.kz Polisia.kz-ke silteme jasap.
Almaty qalalyq PD ózindik qaýipsizdik basqarmasynyń málimetinshe, ótken jyly qalada polısıa qyzmetkerlerine qyzmettik mindetterin oryndaý kezinde kúsh kórsetýdiń 21 deregi tirkelgen. Atalǵan epızodtar boıynsha QR QK-niń 380-baby boıynsha qylmystyq ister tirkeldi.
«12 derek boıynsha sot úkimi shyǵyp, kináliler QR zańnamasyna sáıkes laıyqty jazasyn aldy. Aǵymdaǵy jyldyń tolyq emes qańtar aıynda departamenttiń tergeý bólimi 3 qylmystyq is tirkep, kúdiktiler qamaýǵa alyndy. Bılik ókilderine kúsh qoldanýdyń árbir deregi erekshe baqylaýda. Sonymen qatar bılik ókiline qarsy, qorqytý nemese kúsh qoldaný – qylmystyq jazalanatyn áreketter bolyp sanalatynyn jáne úsh jyldan on bes jylǵa deıingi merzimge bas bostandyǵynan aıyrýǵa jazalanatynyn eske sala keteıik», – dedi Almaty qalasy PD ózindik qaýipsizdik basqarmasynyń bastyǵy Erik Jumabaı.