Bir jyl buryn bolǵan qylmysqa qatysty sot sheshimi shyqty
Almatyda ótken jyldyń qazan aıynda bank tonaǵan úsh adam sottaldy, dep habarlaıdy Almaty-akshamy.kz «Habar 24»-ke silteme jasap.
Almaly aýdandyq sotynyń maýsymdaǵy úkimin qalalyq sottyń appelásıalyq komısıasy ózgerissiz qaldyrdy. Resmı málimetter boıynsha, qaraqshylar bankke 2 394 830 teńge kóleminde materıaldyq zalal keltirgen. Nátıjesinde sot Ábilkárimov pen Stepanovty Qylmystyq kodekstiń 192-baby 3-bóliginiń 2-tarmaǵy «Qaraqshylyq» isi boıynsha kináli dep tanyp, 7 jylǵa bas bostandyǵynan aıyrdy.
Al Ómirzaqovqa «Qaraqshylyq» babymen qatar «Alaıaqtyq» boıynsha da aıyp taǵyldy. Ol 2019 jyly rıeltor bolyp, páter satyp almaq bolǵan 7 adamnyń qarajatyn jymqyrǵan. Shyǵynnyń jalpy kólemi 60 mıllıon teńgeden asady. Sot Ómirzaqovty 8 jylǵa bas bostandyǵynan aıyrdy.