Elimizdiń barlyq aýmaqtarynda sý basý qaýpin azaıtý jáne halyqtyń qaýipsizdigin qamtamasyz etý maqsatynda sý tasqynyna qarsy belsendi is-sharalar jalǵasýda.
Ár túrli óńirlerde muz qabatyn bosatýǵa, ózenderdiń jaǵalaýyn nyǵaıtýǵa, sondaı-aq qar shyǵarý men sý sorýǵa baǵyttalǵan keshendi jumystar júrgizilýde, dep habarlaıdy aqshamnews.kz TJM-ge silteme jasap.
Bıylǵy jyldyń 1 naýryzynan bastap TJM, jergilikti atqarýshy organdar men basqa da uıymdardyń kúshimen 1,9 mıllıonnan astam tekshe metr sý sorylyp, 400 myńnan astam qapshyq jáne 20 myń tonna ınertti materıal tóseldi. İs-sharalar aıasynda 808 myńnan astam metr sý burý aryqtary tazartyldy.
Sý tasqynyna qarsy jumystaryna 3 myńnan astam maman, sondaı-aq sý tasqyny qaýpi jaǵdaıynda qaýipsizdikti qamtamasyz etý jónindegi jumystardy oryndaý úshin paıdalanylatyn 761 birlik tehnıka, 161 motopompa jáne 30 júzý quraly qatysady. Operasıaǵa TJM, İİM, UU, Qorǵanysmıni jáne basqa da vedomstvolardyń qyzmetkerleri jumyldyryldy.
Úzdiksiz jumys sý tasqynynyń aldyn alýǵa jáne yqtımal sý tasqynynan bolatyn zıandy azaıtýǵa baǵyttalǵan, bul ásirese sý tasqyny kezeńinde mańyzdy.