Almatynyń Jetisý aýdanynda birneshe jyl ishinde 8 jalpy bilim beretin mektepke tolyqqandy qosymsha ǵımarattar salyndy. Bul balalardy oqytý úshin qolaıly oqý jaǵdaılaryn jasaýǵa múmkindik berdi. Bul týraly qalanyń Jetisý aýdanynyń ákimdigi málim etti, dep habarlaıdy almaty-akshamy.kz.
Qosalqy oqý ǵımarattary qurylystarynyń arqasynda qosymsha 1 600 oqýshy orny paıda boldy. Sonymen qatar, synyptar zamanaýı oqý quraldarymen, sonyń ishinde ınteraktıvti taqtalarmen, robototehnıkamen jabdyqtalǵan jáne zamanaýı standarttarǵa sáıkes keledi. Keıbir mektepterde jańa akt zaldary, asqanalar men sport zaldary salyndy. Aýdannyń eki mektebi kúrdeli jóndeýden ótti. 
Aýdan ákimi Gúlnar Kóeobaevanyń bastamasymen «Aınabulaq 4» sh/a eski qaraýsyz qalǵan balabaqsha ornynda jańa bóbekjaı ǵımaraty salyndy. Jaqynda jańa balabaqsha aýdannyń 160 kishkentaı turǵynyndaryna esigin aıqara ashady.
Sonymen qatar, úsh shaǵyn aýdanda: Aınabulaq, Kemel jáne Qulager birneshe jyl ishinde úsh dene shynyqtyrý-saýyqtyrý kesheni (DSK) salyndy. Olarda balalar tegin sportpen shuǵyldanady. Aýdan aýmaǵynda eki jastardyń komúnıtı ortalyǵy da salyndy.
«Qıyn jasóspirimder» arasynan 200-den astam uldar men qyzdar «Jańa urpaq» motıvasıalyq lagerinde tegin oqýdan ótti, onda olar jańa daǵdylarǵa ıe boldy, dostar tapty, komandada jumys isteýdi úırendi jáne jeke jaýapkershilik deńgeıin arttyrdy, sondaı-aq ózderine sene aldy.