Demalysta keı óńirlerde kún 24 gradýsqa deıin jylynady.
Qazgıdromet aldaǵy demalys kúnderdegi aýa raıy boljamyn jarıalady, dep habarlaıdy Almaty-akshamy.kz.
Demalys kúnderi Qazaqstannyń basym bóliginde bultty aýa raıy bolyp, soltústik-batys sıklonymen baılanysty bolatyn belsendi frontaldy bólimderi áser etedi. Sıklon batystan shyǵysqa qaraı jyljı bastaǵandyqtan, jańbyr men qar jaýyp, kóktaıǵaq bolady, ekpindi jel, soltústik aımaqtarda burqasyn boljanady.
Respýblıkanyń ońtústik bóliginde jańbyr jaýyp, naızaǵaı jarqyldaıdy. Elimizdiń batysynda aýa temperatýrasy túnde 0-10 gradýs sýyq, kúndiz 0-11 gradýs jyly bolady. Ońtústik-batysta kúndiz 7-15 gradýs jyly aýa raıy saqtalady. Al soltústik-batys, soltústikte túnde 5-15 gradýs, al kúndiz 8 gradýsqa deıin aıaz saqtalady. Eldiń ortalyq jáne shyǵysynda 12 gradýsqa deıin aıaz bolady. Ońtústik, ońtústik-shyǵysta kún 15-24 gradýsqa deıin jylynady.