Omyrtqa patologıasyn emdeýdiń taǵy bir túri tabyldy.
Otandyq dárigerler reseılik áriptesterimen jańa tehnologıany qoldaný arqyly úsh jasar balanyń dertine em tapty. Operasıa jasalǵan Erasyldyń jasy 3-te. Dıagnozy - týa bitti omyrtqa patologıasy. Iaǵnı balaǵa artyq omyrtqa bitken. Saldarynan skolıoz paıda bolyp, súıekteri qısaıa bastaǵan, dep habarlaıdy Almaty-akshamy.kz Qazaqstan.tv-ǵa silteme jasap.
Shuǵyl em-dom jasalmasa, bala qımylsyz qalýy múmkin dep otyr mamandar. Múgedektikten qutqarýdyń jalǵyz joly – operasıa. Bul syrqattyń syry otandyq dárigerlerge málim. Jıi jasap júr. Óıtkeni kesel kóp balada kezdesedi. Degenmen Erasyldyń emi bólek. Reseılik profesorlar jańa bekitý metalyn oılap tapqan. Onyń artyqshylyǵy da az emes.
«100 paıyzǵa deıin omyrtqany túzeı alamyz. Artyq omyrtqany alyp tastaımyz. Ary qaraı keleshekte balada eshqandaı omyrtqa jaǵynan qısyqtyq nemsese qandaı da aýrý shyqpaıdy. Salynǵan plasınka 2-3 jyl turady. Bitken soń alyp tastalady», - dedi N.J.Batpenov atyndaǵy ulttyq ǵylymı travmatologıa jáne ortopedıa ortalyǵynyń bólim meńgerýshisi Seıdaly Ábdalıev.
Týa bitti omyrtqa patologıasyn anyqtaý ońaı emes. Bala kezinde birden bilinbeıdi. Bastapqyda damýy, júrýi qalypty. Tek ósken saıyn jaǵdaıy qıyndaıdy. Erasyl operasıadan keıin ǵana qulan-taza aıyqty deıdi dárigerler. Kóp uzamaı qatarlastary syndy qalypty ómirge oralady.
«Balanyń jaǵdaıy jaqsy. Qazir palataǵa jatqyzdy. Erekshe operasıa dep aıtty. Sóılep, múltfılmder kórip, oıynshyqtarymen oınap júr», - deıdi Erasyldyń ákesi Damır.
Dertti dendetpeý kerek. Bul - densaýlyq qaǵıdasy. Omyrtqa patologıasy da solaı. Alǵashqy jyldary emdemese, operasıanyń ózi kómektese almaıdy dep otyr dárigerler.